Khap Maksak
Mizoramah hian khap apui hi kan ngah em em a. Khap ningte phei chuan khawvela khap ngah ber ram kan ni te an ti hial a. He an thusawi hi dikna chen awm mah se; chipchiar zawka khawvel ram dangte kan en chuan mizoram chauh hi maksak tak tak khapna awmna hmuh a lo ni bik lo. Tun tum chu khawvel hmun danga an thil khap maksak tak takte i lo en ho dawn teh ang.
1) North Korea: He ram, dictator Kim Jong Un rorelna hmunah hian mizo te pawhin kan hmelhriat tak Sarcasm (ngeiawm taka tih/sawichhan nei fiamthu) khap a ni mauh mai! Fiamthu mai maiah pawh sorkar leh roreltu demnna lam a sawi theih dawn loh hrim hrim tihna a nih chu.
2) Singapore: Mizote pawhin kan hmelhriat tirh atanga kan ngainat em em—naupang, puitling leh tar te thleng paw’n an lawm, sâwi (chewing gum) hi Singapore-ah chuan khap a ni mauh mai pek a. A chhan âwmang ber ni thei chu faina lam ngaihpawihna vang a ni. Ni e, thawmhnaw leh sama kaite mai bakah sâwi thial tawh hnu chhak chhuah mai kan chin vang hian hnawk a tam phah thei em a nih hi.
3) India: Khawvel hmu tam zawkah chuan zalen taka an zawrh, an hralh leh an fak zu hi, India ramah chuan a fakna lam reng reng siam emaw tih chhuah phal a ni lo a. Mahse, vaiho hi an lo fing khawp a, awmze nei deuhin thil dang an fak a, a entute hriatthiam theih tur tho siin. Hetiang hmang hian kum tam tak kalta atang khan Zu fakna lam reng reng chu kalpui a lo ni tawh a ni.
4) China: Sakawlh leh khawchhak lungpum lum tur tia kan insawithaih thin, khawthlang ramten milian muhil an tih bawk China ram hi, dan mak pui pui neihah a bang bik hauh lo. Dan maksak a neih neuh neuh te zinga a mak leh nuihzatthlak ber pawl chu—Tibetan Puithiamte thawhlehna (Reincarnation) hi lo awm thei tehreng pawh ni se, sorkar phalna lak hmasak zet loh chuan mitthi thawh leh hi khap tlat a ni.
5) Hawaii: Khawvela hmun nuam ber pawl, zin mi leh veivakte’na tlawh ngei an tum thin. Pacific tuifinriata awm he thliarkar ramah hian, ni tlak hnu a ring taka mahnia zai vak vak zu han khap a mawle! Zai ngaina leh tingtang a awm hlek tawha ‘Di cham bawihpui’ ti nghal thin Mizote hian he dan hi bawhchhiat kan awlsam viauin ka ring.
6) England: Kumpinu Lalram ti a kan hriat lar, Mizote paw’n kan ngaihsan em em England khuan dan maksak tak tak a nei nual a. Chu’ng zinga lar em em chu—Parliament a session emaw roreltuten inhmuhkhawm an neih nikhua a thih a ni. Mak tak angin lang mah se chhan tha tak a nei ve bawk. England rorelna inte khu lal chhungkaw bungrua ang vek a la ni a. Mi lal ina a boral chuan a buaipuina leh senso zawng zawng sorkarin a tumsak a ngaih vang a ni.
7) Australia: Khawvela thliarkar ram lian ber pawl leh ram hausa tak hian dan khirhkhiap tak zam a lo nei ve tho a ni awm e. Australia rama an khawpui lian ber dawttu—Victoria-ah chuan sorkar hriatpui electrician i nih loh chuan, nangma thuin light bulb leh ilo i thlak ve ngawt thiang lo. I tilui a nih chuan pawisa chawitir i ni ang.
Keni chauh hi khap tamna ram kan lo ni lo tih chu a tichiang mai awm mange. Engpawhnise, khap leh ih a awm loh pawha pangngai leh uchuak lo, midangte tibuai lo zawnga nun hram hram tum a. Midangte tana malsawmna kan nih theih loh pawhin harsatna thlentu tal nih loh tum hi, mi fing leh puitling zia a ni.
1) North Korea: He ram, dictator Kim Jong Un rorelna hmunah hian mizo te pawhin kan hmelhriat tak Sarcasm (ngeiawm taka tih/sawichhan nei fiamthu) khap a ni mauh mai! Fiamthu mai maiah pawh sorkar leh roreltu demnna lam a sawi theih dawn loh hrim hrim tihna a nih chu.
2) Singapore: Mizote pawhin kan hmelhriat tirh atanga kan ngainat em em—naupang, puitling leh tar te thleng paw’n an lawm, sâwi (chewing gum) hi Singapore-ah chuan khap a ni mauh mai pek a. A chhan âwmang ber ni thei chu faina lam ngaihpawihna vang a ni. Ni e, thawmhnaw leh sama kaite mai bakah sâwi thial tawh hnu chhak chhuah mai kan chin vang hian hnawk a tam phah thei em a nih hi.
3) India: Khawvel hmu tam zawkah chuan zalen taka an zawrh, an hralh leh an fak zu hi, India ramah chuan a fakna lam reng reng siam emaw tih chhuah phal a ni lo a. Mahse, vaiho hi an lo fing khawp a, awmze nei deuhin thil dang an fak a, a entute hriatthiam theih tur tho siin. Hetiang hmang hian kum tam tak kalta atang khan Zu fakna lam reng reng chu kalpui a lo ni tawh a ni.
4) China: Sakawlh leh khawchhak lungpum lum tur tia kan insawithaih thin, khawthlang ramten milian muhil an tih bawk China ram hi, dan mak pui pui neihah a bang bik hauh lo. Dan maksak a neih neuh neuh te zinga a mak leh nuihzatthlak ber pawl chu—Tibetan Puithiamte thawhlehna (Reincarnation) hi lo awm thei tehreng pawh ni se, sorkar phalna lak hmasak zet loh chuan mitthi thawh leh hi khap tlat a ni.
5) Hawaii: Khawvela hmun nuam ber pawl, zin mi leh veivakte’na tlawh ngei an tum thin. Pacific tuifinriata awm he thliarkar ramah hian, ni tlak hnu a ring taka mahnia zai vak vak zu han khap a mawle! Zai ngaina leh tingtang a awm hlek tawha ‘Di cham bawihpui’ ti nghal thin Mizote hian he dan hi bawhchhiat kan awlsam viauin ka ring.
6) England: Kumpinu Lalram ti a kan hriat lar, Mizote paw’n kan ngaihsan em em England khuan dan maksak tak tak a nei nual a. Chu’ng zinga lar em em chu—Parliament a session emaw roreltuten inhmuhkhawm an neih nikhua a thih a ni. Mak tak angin lang mah se chhan tha tak a nei ve bawk. England rorelna inte khu lal chhungkaw bungrua ang vek a la ni a. Mi lal ina a boral chuan a buaipuina leh senso zawng zawng sorkarin a tumsak a ngaih vang a ni.
7) Australia: Khawvela thliarkar ram lian ber pawl leh ram hausa tak hian dan khirhkhiap tak zam a lo nei ve tho a ni awm e. Australia rama an khawpui lian ber dawttu—Victoria-ah chuan sorkar hriatpui electrician i nih loh chuan, nangma thuin light bulb leh ilo i thlak ve ngawt thiang lo. I tilui a nih chuan pawisa chawitir i ni ang.
Keni chauh hi khap tamna ram kan lo ni lo tih chu a tichiang mai awm mange. Engpawhnise, khap leh ih a awm loh pawha pangngai leh uchuak lo, midangte tibuai lo zawnga nun hram hram tum a. Midangte tana malsawmna kan nih theih loh pawhin harsatna thlentu tal nih loh tum hi, mi fing leh puitling zia a ni.
Comments
Post a Comment